Margrét sú eina sem studdi flutning Sogns

Margrét Tryggvadóttir, þingmaður Hreyfingarinnar, styður flutning réttargeðdeildarinnar að Sogni á Kleppspítala. Hún er eini þingmaður Suðurlandskjördæmis sem mælti með flutningi deildarinnar í umræðum um málið á þingi í dag. Hún sagðist hafa kynnt sér málið eftir samtal við framkvæmdastjóra geðsviðs.

„Hagsmunir sjúklingar þurfa alltaf að vera í fyrirrúmi Þetta er veikasta fólkið okkar og hagsmunir þeirra verða að vera í fyrirrúmi," sagði Margrét á þingfundi í dag.

Réttargeðdeildin að Sogni er staðsett í Ölfusi og er ljóst að stærstur hluti starfsmanna Sogns kemur úr kjördæmi þingmannanna. Þingmenn kjördæmisins kröfðust þess flestir að fagleg úttekt yrði gerð á Sogni áður en ákvörðun um flutningin yrði tekin. Aftur á móti hefur Alþingi samþykkt heimild um sölu á fasteignum að Sogni.