Eboue grýttur í Tyrklandi

Emmanuel Eboue, fyrrum leikmaður Arsenal og núverandi leikmaður Galatasaray, fékk að kynnast því í gær að það er ekkert sældarlíf að spila í tyrkneska boltanum.

Galatasaray mætti þá Besiktas í leik sem endaði með markalausu jafntefli en verður minnst fyrir meðferðina sem Eboue fékk.

Þegar hann lá meiddur út við hliðarlínu vallarins var hann grýttur af stuðningsmönnum Besiktas sem köstuðu ýmsu lauslegu úr stúkunni og þar á meðal vatnsflöskum.

Eboue var að vonum ekki sáttur. Atvikið má sjá í myndbandinu hér að ofan.