ESB leggst ekki gegn ríkissölu áfengis

Evrópusambandið mun ekki leggjast gegn einkasölu ríkisins á áfengi og tóbaki eins og hún er stunduð á Íslandi. Þetta kom fram í máli Össurar Skarphéðinssonar utanríkisráðherra á opnum fundi utanríkismálanefndar Alþingis í dag.

Á fundinum fór Össur yfir stöðu mála í viðræðunum. Össur sagðist vera ánægður með feril málsins. Það hefði gengið nokkuð hratt fyrir sig. Össur útilokaði ekki að það næðist að ljúka samningum fyrir kosningar árið 2013.

Össur benti þó á að gert hefði verið ráð fyrir að þungir og erfiðir samningskaflar, eins og landbúnaðar- og sjávarútvegsmál, yrðu opnaðir snemma. Það hefði ekki gengið eftir.