Stofnfjárhafar höfðu betur

Hæstiréttur staðfesti í dag dóm héraðsdóms þess efnis að stofnfjáreigendum í Byr og Sparisjóði Norðlendinga beri ekki að endurgreiða lán sem þeir tóku hjá hjá Glitni á sínum tíma til þess að taka þátt í stofnfjáraukningu sparisjóðanna árið 2007.

Málið er fordæmisgefandi fyrir hundruðir stofnfjáreigenda sem voru í sömu sporum. Á sínum tíma var fólkinu sagt að það eina tryggingin fyrir láninu væru bréfin sjálf, það er að segja, í lánsamningnum sagði að trygging fyrir láninu væri bundin við stofnféið sem keypt var. Við fall Glitnis færðist lánið svo yfir til Íslandsbanka sem ákvað að krefjast endurgreiðslu á láninu.