Lýsa yfir fullnaðarsigri í Sirte

Hersveitir bráðabirgðarstjórnarinnar í Líbíu segjast hafa náð fullu valdi á borginni Sirte fæðingarbæ Múammars Gaddafís fyrrverandi einræðisherra. Sirte var síðasta vígi stuðningsmanna Gaddafís og hafa harðir bardagar geisað í borginni síðustu vikur. Nú hafa fánar uppreisnarmanna verið dregnir að húni á byggingum í miðborg Sirte og fullnaðarsigri verið lýst yfir.

Fregnir frá borginni eru þó enn nokkuð misvísandi. Talsmenn bráðabirgðarstjórnarinnar hafa áður lýst því yfir að um leið og Sirte myndi falla yrði fullnaðarsigri lýst yfir.

Enn er þó barist í bænum Bani Walid, suðaustur af höfuðborginni Trípólí.