Stúdentar óttast að samskiptavefir hafi alvarleg áhrif á framtíðina

Tæplega helmingur stúdenta óttast að upplýsingar sem þeir birta á samskiptavefjum, eins og Facebook, geti skaðað framtíðarmöguleika þeirra á að fá starfið sem þeir sækjast eftir.

Þetta kemur fram í grein í Daily Telegraph, og er þá vitnað til skoðanakönnunar sem Information Commissioner’s Office (ICO), framkvæmdi.

Í sömu könnun kemur fram að stúdentarnir eru frekar berskjaldaðir gagnvart persónuþjófnaði á netinu.

Fjölmargri hafa lent í því að missa vinnuna eftir að hafa skrifað ógætilega um vinnuveitendur sína eða fyrirtæki. Þannig missti krabbameinssjúkur faðir þriggja barna vinnuna sína í ágúst eftir að hann skrifaði illa um yfirmenn sína.

Hægt er að nálgast grein Telegraph hér.