Messi verður nýr fyrirliði Argentínu

Nýráðinn landsliðsþjálfari Argentínu, Alejandro Sabella, hefur skipað Lionel Messi sem nýjan fyrirliða landsliðsins, en hann tekur við bandinu af Javier Mascherano.

Mascherano og Messi eru samherjar hjá Barcelona og þekkja hvorn annan vel, en Mascherano mun vera varafyrirliði.

Argentína mætir Venesúela í landsleik á morgun og verður þá Messi í fyrsta sinn fyrirliði landsliðsins. Messi er af mörgum talinn besti knattspyrnumaðurinn í heiminum og hefur unnið allt sem hægt er að vinna með félagsliði sínu. Það sem vantar í safnið er að vinna til verðlauna með argentínska landsliðinu.