Morten Gamst verður ekki með gegn okkur Íslendingum

Norska landsliðið í knattspyrnu hefur einnig orðið fyrir skakkaföllum fyrir landsleikinn gegn Íslendingum síðar í vikunni, en Morten Gamst Pedersen, leikmaður Blackburn Rovers, hefur dregið sig úr landsliðshópi Noregs.

Leikmaðurinn verður því ekki með í landsleikjum Noregs gegn Íslendingum og Dönum í undankeppni Evrópumótsins í knattspyrnu sem fram fer í Úkraínu og Póllandi á næsta ári.

Leikmaðurinn meiddist á læri um helgina þegar lið hans lék gegn Everton. Baráttan um sæti á Evrópumótinu er gríðarlega spennandi en Norðmenn, Danir og Portúgalar hafa öll tíu stig í riðlinu.

Næstu tveir leikir gefur því sterklega til kynna hvaða lið kemst beint á lokamótið, en liðið sem hafnar í öðru sæti riðilsins fer í umspil.