Jones valinn í enska landsliðið

Fabio Capello, þjálfari enska landsliðsins, hefur tilkynnt leikmannahópinn fyrir leiki Englands gegn Búlgaríu og Wales í undankeppni EM 2012 í næstu viku.

Phil Jones, varnarmaður Manchester United, var valinn í landsliðið í fyrsta skiptið en hann kom til United frá Blackburn í sumar og hefur þótt standa sig vel.

Hvorki Rio Ferdinand, liðsfélagi hans hjá United, né Michael Dawson hjá Tottenham eru í hópnum að þessu sinni en alls voru 24 leikmenn valdir.

Chris Smalling, Tom Cleverly og Gary Cahill eru allir valdir í þetta skiptið. Alls eru Manchester-liðin City og United með ellefu leikmenn í enska landsliðshópnum.

Danny Welbeck var í hópnum síðast þegar valið var en hann meiddist í leik United gegn Arsenal í dag. Darren Bent og Jermain Defoe koma báðir aftur inn í liðið eftir að hafa verið fjarverandi vegna meiðsla síðast.

Landsliðshópurinn:

Markverðir:

Joe Hart (Manchester City)

Robert Green (West Ham)

David Stockdale (Fulham)

Varnarmenn:

Ashley Cole (Chelsea)

Gary Cahill (Bolton)

John Terry (Chelsea)

Leighton Baines (Everton)

Phil Jagielka (Everton)

Chris Smalling (Manchester United)

Phil Jones (Manchester United)

Micah Richards (Manchester City)

Joleon Lescott (Manchester City)

Miðvallarleikmenn:

Stewart Downing (Liverpool)

Gareth Barry (Manchester City)

Adam Johnson (Manchester City)

James Milner (Manchester City)

Frank Lampard (Chelsea)

Tom Cleverley (Manchester United)

Ashley Young (Manchester United)

Scott Parker (West Ham)

Sóknarmenn:

Theo Walcott (Arsenal)

Darren Bent (Aston Villa)

Andy Carroll (Liverpool)

Wayne Rooney (Manchester United)

Jermain Defoe (Tottenham)