West Ham samþykkir að selja Cole

Peter Coates, stjórnarformaður Stoke City, hefur staðfest að West Ham sé búið að samþykkja tilboð Stoke í framherjann Carlton Cole.

Það varð nokkuð ljóst að Cole myndi yfirgefa West Ham eftir að liðið féll úr úrvalsdeildinni ensku. Cole var á sínum tíma orðaður við Liverpool en er nú á leið til Stoke.

Framherjinn er 27 ára gamall og kominn með talsverða reynslu í úrvalsdeildinni.

Líklega verður gengið frá kaupunum á fimmtudag. Þá kemur Tony Pulis, stjóri Stoke, úr fríi en hann vill tala við leikmenn áður en hann semur við þá.