Elsta kona í heiminum látin

Rúmlega mánuður er síðan að Guiness World Records staðfesti að hin brasilíska Maria Gomes Valentim væri elsta kona í heiminum þá 114 ára. En nú er hún látin rétt fyrir 115 ára afmælið sitt.

Maria fékk lungabólgu á sunnudaginn og lést vegna sýkingar, segir fjölmiðlar í Brasilíu. Hún fæddist 9. júlí árið 1896 og þegar hún fékk titilinn Elsta kona í heiminum sagði hún að helsta ástæða þess að hún væri orðin svona gömul væri sú að hún hefði ávallt neytt hollrar fæðu.

Hún var frá Carangola sem er fjallaþorp norður af Rio De Janiero en eiginmaður hennar lést árið 1946 og áttu þau einn son saman. Hún átti fjögur barnabörn, sjö barnabarnabörn og fimm barnabarnabarnabörn. Það verður að teljast nokkuð gott.