Birkir Már: Opnaði klofið eins og hálfviti

Birkir Már Sævarsson hægri bakvörður var sammála því að þessi undankeppni væri sagan endalausa.

„Já, þetta er það sama og hefur verið. Við spilum allt í lagi, fáum eitthvað af hálffæri en verjumst svo illa þegar þeir skora."

Danir skoruðu bæði mörk sín í síðari hálfleik.

„Hann fékk eiginlega að skjóta óáreittur í fyrra markinu. Svo opna ég klofið eins og hálfviti í seinna markinu. Þannig fer þetta bara."

Aðspurður hvort það væri skortur á sjálfstrausti þegar leikmennirnir kæmust í færi sagði Birkir Már:

„Nei það vantar ekki sjálfstraust. Það vantar bara gæði í afgreiðslurnar."

Um stemmninguna í klefanum að loknum leik sagði Birkir Már:

„Slæm eins og alltaf. Eins og hún á að vera."