Sarah súr yfir að fá ekki að mæta í brúðkaupið

Hertogaynjan af York, Sarah Ferguson, sem eitt sinn var gift Andrew Bretaprinsi, segir það hafa verið erfiða lífsreynslu að vera ekki boðið í brúðkaup Vilhjálms Prins og Katrínar.

Sarah lenti í vandræðum í fyrra þegar hún bauðst til þess að veita viðskiptamanni aðgang að fyrrverandi eiginmanni sínum gegn greiðslu. Sá  var hinsvegar blaðamaður í dulargerfi og úr varð mikið hneyksli. Hún fékk því ekkert boðskort.

Í viðtali við Opruh Winfrey bendir hún á að síðasta brúðkaup sem haldið hafi verið í Westminster Abbey hafi einmitt verið hennar eigið og því hafi það verið enn verra að fá ekki boðskort.