Kanar fá eiginkonur Osamas

Líklegt er talið að Bandaríkjamenn fái að yfirheyra eiginkonur Osama bin Ladens, að sögn bresku Sky fréttastofunnar. Opinberlega segja Pakistanar að engin ákvörðun hafi verið tekin ennþá. Þeir eru enda opinberlega ennþá í reiðikasti yfir því að Bandaríkjamenn skyldu ráðast innfyrir landamæri þeirra.

 

Háttsettur bandarískur embættismaður sagði hinsvegar við Sky að  svarið yrði mjög líklega jákvætt. Þrjár eiginkonur hryðjuverkaleiðtogans voru í vígi hans í Pakistan þegar hann var ráðinn af dögum. Bandaríkjamenn vilja spyrja þær bæði um ferðir hans og um Al Kaida samtökin.