Lipsky stýrir AGS

John Lipsky er starfandi framkvæmdastjóri Alþjóðagjaldeyrissjóðsins. Eins og fram hefur komið var framkvæmdastjórinn, Dominique Strauss Kahn, handtekinn í gærkvöld og ákærður fyrir kynferðisbrot gegn hótelþernu í New York.

Lipsky er fyrsti varaframkvæmdastjóri Alþjóðagjaldeyrissjóðsins. Hann er fyrrverandi ráðuneytisstjóri í bandaríska fjármálaráðuneytinu og starfaði eitt sinn við JP Morgan bankann.

Búist er við því að Lipsky hitti stjórn Alþjóðagjaldeyrissjóðsins í dag.