Kóbraslangan í Bronx komin í leitirnar

Baneitruð egypsk kóbraslanga sem slapp úr búri sínu í dýragarðinum í Bronx á dögunum er fundin. Skriðdýrahúsi garðsins hafði verið lokað á meðan á leitinni stóð og slangan fannst einmitt í húsinu og hafði því ekki komist langt. Hún er við góða heilsu að sögn starfsmanna dýragarðsins.

Málið hefur vakið mikla athygli og náði slangan á þessari einu viku sem hún gekk laus, að safna hundruð þúsunda vina á samskiptasíðunni Twitter, sem starfsmenn settu upp til að vekja athygli á málinu.