Jóhann Berg skoraði fyrir AZ Alkmaar

Jóhann Berg Guðmundsson var á skotskónum með hollenska liðinu AZ Alkmaar gegn Groningen í dag. Skoraði hann annað mark liðsins í 3-0 sigri eftir að hafa komið inn á sem varamaður.

Jóhann Berg hefur verið á bekknum í síðustu leikjum liðsins en kom inn á í hálfleik í dag. Hann nýtti tækifærið vel og kom AZ í 2-0 með marki á 79. mínútu.

Nick Viergever hafði komið AZ yfir strax á fyrstu mínútu leiksins og Rasmus Elm innsiglaði svo sigurinn með marki þegar sex mínútur voru til leiksloka. AZ komst með sigrinum upp í níu stig og er í þriðja sæti deildarinnar.

FC Twente er á toppnum með fullt hús stiga eftir fjórar umferðir en Ajax, lið Kolbeins Sigþórssonar, er í öðru sæti með tíu stig.