Rabbíni káfaði á konu í flugvél

Tæplega fimmtugur Gyðingaprestur var gripinn glóðvolgur í flugi frá Ísrael til Bandaríkjanna þegar hann káfaði á sessinauti sínum sem hann hélt að væri sofandi.

Kona sat við hlið hans en hún var með teppi yfir líkama sínum. Rabbíninn laumaðist með hendina undir teppið og káfaði á brjósti konunnar.

Hún brást hin versta við og spurði rabbínann hvað í ósköpunum hann væri að gera.

Rabbíninn brást vandræðalega við og hélt því fram að hann sjálfur væri sofandi. Hann var síðan handtekinn við komuna til Bandaríkjanna og má búast við að verða ákærður fyrir kynferðislega áreitni.