Styttra í Ferdinand en talið var

Rio Ferdinand, leikmaður Manchester United, gæti snúið fyrr á fótboltavöllinn en reiknað var með.

Fyrir viku síðan sagði Sir Alex Ferguson, að ekki mætti búast við endurkomu leikmannsins fyrr en í lok september.

Ferdinand meiddist á æfingu með enska landsliðinu fyrir heimsmeistaramótið. Hann er farinn að æfa að nýju en hefur þó ekki getað tekið þátt í æfingum með bolta enn sem komið er.

„Kannski voru orð mín hvatning fyrir hann. Hann hefur æft vel í vikunni og mun æfa með varaliðinu í dag," sagði Ferguson í dag.

„Hann er ekki að fara að vera með um helgina en kannski verður ástand hans orðið gott eftir tvær vikur."