Cole lenti í útistöðum við stuðningsmann

Þriðjudagskvöldið var ekki gott fyrir West Ham. Liðið sogaðist niður í enn verri mál með því að tapa fyrir Úlfunum og eftir leik fóru stuðningsmenn ekki leynt með reiði sína.

Sóknarmaðurinn Carlton Cole lenti í rifrildi við stuðningsmann á leið til búningsklefa eftir leik og þurfti á endanum að draga hann inn í klefa.

„Ég hélt fyrst að Cole þekkti þennan mann því þeir töluðu saman á eðlilegum nótum til að byrja með. Svo sá ég aðra leikmenn koma og draga hann í burtu," sagði Benni McCarthy sem var vitni að þessu.

Cole kom þó aftur út en þá skiptu öryggisverðir og lögregla af málinu og báðu stuðningsmanninn vinsamlegast um að yfirgefa völlinn.