Arteta fram­lengir við Arsenal

Arteta stýrði Arsenal til fyrsta Englandsmeistaratitils félagsins í 22 ár er það fagnaði titlinum í vor. Arsenal varð þá meistari í 14. sinn og Arteta sjöundi þjálfarinn í sögu félagsins til að vinna titilinn.

Arsenal komst einnig í úrslit Meistaradeildar Evrópu síðasta sumar en tapaði í vítaspyrnukeppni gegn Paris Saint-Germain.

Arteta hefur stýrt liðinu frá árinu 2019 en Arsenal hefur síðan tekið stór skref fram á við til að verða eitt besta lið Evrópu. Hann hefur stýrt liðinu í 361 leik og unnið 62,05 prósent leikjanna.

Arteta framlengdi samning sinn í dag fram í júní árið 2030. Þjálfarateymi liðsins framlengdi einnig samninga sína við félagið.