Liverpool að vinna kapphlaupið um sextán ára táning

Liverpool er sagt við það að ná samningum við Gillingham um hinn sextán ára gamla Ashley Miller sem þykir einn efnilegasti knattspyrnumaður Englands.

Önnur stórlið í ensku úrvalsdeildinni hafa verið sögð á höttunum eftir Miller, svo sem Manchester United, Arsenal, Tottenham, Aston Villa og Everton.

Miller er í miklum metum hjá Gillingham þar sem hann hefur verið síðan hann var níu ára gamall. Hann verður í leikmannahópi aðalliðsins í leik gegn Northampton í ensku D-deildinni um helgina.

Þetta er þó ekki í fyrsta sinn sem unglingastarfið hjá Gillingham skilar árangri en árið 2008 var Luke Freeman, sem þá var fimmtán ára, seldur til Arsenal fyrir tugir milljóna króna.