Össur Skarphéðinsson á símafundi með Miliband í kvöld

„Í samtali mínu við Miliband mun ég leggja áherslu á að ákvörðun forsetans þýði alls ekki að við ætlum ekki að standa við skuldbindingar okkar," segir Össur í samtali við fréttastofuna.

Össur segir að þar að auki muni hann benda Miliband á að staða Íslands sé mun verri en hún þyrfti að vera vegna aðgerða breskra stjórnvalda í bankahruninu haustið 2008 og til þess þurfi Bretar að taka tillit.

„Ég mun síðan ræða við Miliband um að það þarf að leita lausnar á þeirri djúpu kreppu sem komin er upp í samskiptum okkar og Bretlands," segir Össur. „Þá lausn ber að finna eftir hefðbundnum diplómatískum leiðum en ekki hörkulegum einhliða yfirlýsingum."