Sir Alex getur brosað í dag - Í skýjunum með sigurinn

Minna en sólarhring eftir að Manchester United féll úr leik í Meistaradeildinni á dramatískan hátt getur Sir Alex Ferguson leyft sér að brosa út að eyrum.

Veðhlaupahestur í hans eigu vann sigur á fyrsta keppnisdegi á árlegu hestamóti sem haldið er á Bretlandseyjum.

Ferguson var kampakátur eftir sigurinn og faðmaði knapann Ruby Walsh sem keppir á hesti hans. „Hestaveðhlaup er tilvalið áhugamál til að losna frá stressinu sem fylgir starfi knattspyrnustjórans. Ég er í skýjunum með þennan sigur í dag," sagði Sir Alex.