Alþjóðleg rannsókn á kókaíninnflutningi

Átta manns, sjö karlar og ein kona, hafa verið úrskurðuð í gæsluvarðhald til vikuloka að minnsta kosti grunuð um stórfelldan fíkniefnainnflutning. Europol rannsakar málið í samvinnu við lögregluna.

Fólkið er grunað um að hafa flutt kókaín til landsins frá Spáni.

Fimm mannanna voru handteknir á höfuðborgarsvæðinu um þar síðustu helgi en sjötti maðurinn og konan voru handtekin á Keflavíkurflugvelli á sama tímabili og var það fyrir árvekni tollvarða. Einn karl til viðbótar var handtekinn sl. fimmtudag en sá var úrskurðaður í gæsluvarðhald til 30. apríl eins og að framan greinir.

Megnið af fólkinu hefur áður komið við sögu hjá lögreglu, mismikið þó. Hinir grunuðu eru allir íslenskir og á þrítugs-, fertugs-, fimmtugs- og sextugsaldri samkvæmt tilkynningu frá lögreglunni.

Rannsókn málsins er nokkuð umfangsmikil en það snýst í raun um tvær tilraunir til innflutnings á kókaíni. Í öðru tilvikinu var afhendingu fíkniefnanna fylgt eftir, þ.e. frá því að svokallað meint burðardýr kom því í hendur viðtakenda.

Rannsókn lögreglunnar miðar jafnframt að því að tengja málin við önnur sem upp hafa komið, bæði hérlendis og erlendis, þar sem Íslendingar hafa komið við sögu.

Vegna þessa hefur Europol haft aðkomu að rannsókninni. Eins og fyrr segir er rannsóknin töluvert víðtæk en í tengslum við hana hefur lögreglan framkvæmt allmargar húsleitir. Í þeim hefur verið lagt hald á umtalsverða fjármuni sem og skartgripi.smyglið á Keflavíkurflugvelli en reynt var að smygla efnunum í ferðatöskum.