Íslenski boltinn

KR Reykjavíkurmeistari annað árið í röð

Henry Birgir Gunnarsson skrifar
Björgólfur var á skotskónum í kvöld.
Björgólfur var á skotskónum í kvöld.

KR tryggði sér í kvöld Reykjavíkurmeistaratitilinn er liðið lagði Víking, 3-2, í stórskemmtilegum úrslitaleik sem fjöldi manns sótti.

Björgólfur Takefusa kom KR yfir í fyrri hálfleik og þannig stóðu leikar í hálfleik.

Kjartan Henry Finnbogason kom KR í 2-0 þegar rúmar 20 mínútur voru eftir og þá opnuðust allar flóðgáttir.

Halldór Smári Sigurðsson minnkaði muninn tveim mínútum síðar með marki af um 35 metra færi. Skotið sigldi yfir Þórð Ingason í marki KR.

Gunnar Örn Jónsson kom KR síðan í 3-1 en aftur minnkaði Halldór muninn með langskoti.

Nær komst Víkingur þó ekki og því hampaði KR bikarnum.

 

Pepsi Max-deild karla

Mest lesið


Fleiri fréttir

Sjá meira


×

Mest lesið