Tölvuhakkarar réðust á DV.is

Tölvuhakkarar réðust inn á auglýsingakerfi á vefnum DV.is og hefur hann legið niðri í morgun vegna þessa.

Reynir Traustason, ritstjóri DV, segir að menn á vegum DV séu að vinna í því að greina vandann og laga hann. Það gangi vel. Eftir því sem Vísir kemst næst hefur gengið erfiðlega að opna vefinn með Mozilla Firefox, Google Chrome og Opera. Hins vegar er hægt að skoða hann í Internet Explorer.

Reynir Traustason segir að verið sé að reyna að finna hvaðan árásin kom. Ef það takist verði ef til vill hægt að kæra árásina.