Rafn Andri líklega með slitið krossband

Ólíklegt er að Rafn Andri Haraldsson geti spilað með Breiðabliki í Pepsi-deild karla í sumar þar sem talið er að hann sé með slitið krossband í hné. Þetta kom fram á fótbolta.net í kvöld. Rafn Andri gekk í raðir Breiðabliks frá Þrótti í vetur en meiddist í leik Blika og KR í úrslitum Lengjubikarsins um helgina. „Þetta er virkilega svekkjandi. Ég var kominn í nýtt lið og spennandi tímabil framundan,“ sagði Rafn Andri á síðunni. „[...] en svona er þetta bara. Ég þarf að fara í aðgerð og spila ekkert meira á þessu tímabili.“