Heimsótti gröf bróður síns

Jarozlaw Kaczynski, forsetaframbjóðandi í Póllandi, heimsótti í gær gröf tvíburabróður síns, Lech Kaczynskis fyrrverandi forseta, sem fórst í flugslysi í Rússlandi í apríl.

Í gær var 61 árs afmælisdagur tvíburabræðranna, en á morgun fara fram forsetakosningar, þar sem Jaroslaw keppir við níu aðra frambjóðendur um að verða arftaki hins látna bróður síns, þar á meðal Bronislaw Komarowski þingforseta sem hefur gegnt forsetaembættinu til bráðabirgða.

Síðust skoðanakannanir sýna að Komarowski er sigurstranglegri, en nái enginn meirihluta verður kosið á milli tveggja efstu í seinni umferð kosninganna eftir tvær vikur.- gb