Beðið eftir að loðnan nálgist hrygningu

Að minnsta kosti fjórir loðnubátar eru byrjaðir að fylgjast með loðnutorfum út af Vestmannaeyjum.

Að sögn Gísla Óskarssonar, fréttaritara fréttastofu í Eyjum er einn bátur Péturseyjar og Drangshlíðar, einn er í átt við Dyrhólaey og einn um fjórum til fimm sjómílum sunnan við Eyjarnar. Gísli segir að þarna hafi verið bátar á svipuðum slóðum fyrir tveimur dögum. Bátarnir eru að bíða þess að hrognin í loðnunni verði fullþroskuð þannig að hægt verði að taka þau. Þannig fást mestu verðmætin fyrir hrognin.

Eins og fram kom í hádegisfréttum Bylgjunnar verða loðnuveiðimenn varir við loðnu víðar en við Eyjar. Raunar segja þeir að loðnu verði vart á svo stóru svæði að sjálfsagt sé meira á ferðinni en stofnunin hefur komist yfir að mæla.