Alexander Hleb og Martin Jiranek til Birmingham

Birmingham hefur heldur betur náð að styrkja sig á lokadegi félagaskiptagluggans. Liðið hefur fengið miðjumanninn Alexander Hleb lánaðan til eins árs frá stórliði Barcelona.

Hleb hefur ekki fundið sig hjá Börsungum en hefur þó sýnt það hjá Arsenal og Stuttgart að þar fer gæðaleikmaður.

Hleb er fæddur í Hvíta-Rússlandi en hann er 29 ára gamall. Alex McLeish segist á heimasíðu Birmingham vera í skýjunum með að hafa náð að klófesta Hleb.

Birmingham hefur einnig fengið tékkneska varnarmanninn Martin Jiranek sem skrifaði undir eins árs samning í dag. Jiranik er 31. árs og var fyrirliði Spartak Moskvu. Hann á 31 landsleik að baki fyrir Tékkland.