West Bromwich sló út Manchester City - framlengt hjá Liverpool

West Bromwich Albion sló Manchester City út úr 3. umferð enska deildarbikarsins í kvöld og þá er framlenging í gangi í leik Liverpool og c-deildarliðsins Northampton Town á Anfield.

West Bromwich Albion vann 2-1 sigur á Manchester City. Jo kom Manchester City í 1-0 aðeins andartökum eftir að Shay Given hafði varið vel í markinu frá Graham Dorrans. Hann átti þá laglegan snúning við vítateigslínuna og skoraði með góðu skoti.

Shay Given átti aftur eftir að sýna snilli sína í markinu fram að hálfleik sérstaklega þegar hann varði í tvígang með sekúndumillibili.

Given kom þó ekki í veg fyrir að Gianni Zuiverloon og Simon Cox tryggðu West Bromwich sigurinn með tveimur mörkum með tveggja mínútna millibli um miðjan seinni hálfleikinn.

Emile Heskey jafnaði fyrir Aston Villa á móti Blackburn aðeins 30 sekúndum eftir að hann kom inn á sem varamaður og Ashley Young  tryggði síðan Villa sigurinn í fyrsta leiknum undir stjórn Gerard Houllier sem tveimur mörkum á tveimur mínútum.

Milan Jovanovic skoraði sitt fyrsta mark fyrir Liverpool þegar hann setti boltann inn af stuttu færi eftir fyrirgjöf frá Daniel Agger.

Billy Mckay jafnaði fyrir gestina þegar hann skoraði af stuttu færi á 56. mínútu og þannig stóð eftir 90 mínútur.

Úrslitin úr enska deildarbikarnum í kvöld:

Aston Villa - Blackburn 3-1

0-1 Gaël Givet (34.), 1-1 Emile Heskey (59.), 2-1 Ashley Young (75.), 3-1 Ashley Young (77.)

Chelsea - Newcastle 3-4

1-0 Patrick van Aanholt (6.), 1-1 Nile Ranger (27.), 1-2 Ryan Taylor (33.), 1-3  Shola Ameobi (49.), 2-3  Nicolas Anelka (70.), 3-3 Nicolas Anelka, víti (86.), 4-3 Shola Ameobi (90.)

Scunthorpe United - Manchester United 2-5

1-0 Josh Wright (19.), 1-1 Darron Gibson (23.), 1-2 Chris Smalling (36.), 1-3 Michael Owen (49.), 1-4 Ji-Sung Park (54.), 1-5  Michael Owen (71.), 2-5 Martyn Woolford (90.)

Wigan - Preston North End 2-1

0-1 Keith Treacy (23.), 1-1 Jordi Gomez (87.), 2-1 Charles N'Zogbia (90.)

Liverpool - Northampton Town 1-1 FRAMLENGT

1-0  Milan Jovanovic (9.), 1-1  Billy McKay (56.)

West Bromwich Albion - Manchester City 2-1

0-1 Jo (19.), 1-1 Gianni Zuiverloon (55.), 2-1 Simon Cox (57.)