Umfjöllun: Guðmundur Steinn hélt Val á beinu brautinni

Valur vann fjórða leik sinn í röð Pepsi-deildinni með því að leggja Selfoss 2-1 á Hlíðarenda í kvöld. Varamaðurinn Guðmundur Steinn Hafsteinsson var hetja heimamanna og skoraði sigurmarkið í leiknum.

Valsmenn eru heldur betur á beinu brautinni. Liðið býr yfir sprækum og sí ógnandi mönnum fram á við, vinnusömum miðjumönnum og er sífellt að verða þéttara til baka. Þessi velgengni er engin tilviljun.

Selfyssingar hafa nú tapað þremur leikjum í röð og ljóst að þeir þurfa að fara að safna stigum til að forðast það að lenda í erfiðum málum.

Martin Pedersen lék ekki með Valsmönnum í kvöld vegna leikbanns en hjá Selfossi var sóknarmannsins Sævars Þórs Gíslasonar sárt saknað. Hann hefur enn ekki náð að jafna sig á meiðslum sem hann hlaut í leik gegn Fram á dögunum.

Leikurinn í kvöld var lengi vel ansi braðgdaufur og komu færin í skorpum. Um miðbik fyrri hálfleiksins fékk Valur nokkur dauðafæri sem ekki nýttust og staðan í hálfleik var markalaus.

Seinni hálfleikurinn byrjaði ansi fjörlega því strax á fyrstu mínútu hans kom Davíð Birgisson Selfossi yfir eftir undirbúning Ingþórs Guðmundssonar sem komið hafði inn sem varamaður í hálfleiknum.

Valsmenn voru ekki lengi að jafna sig á þessu og Ian Jeffs jafnaði í 1-1 strax í næstu sókn á meðan Selfyssingar í stúkunni voru enn að fagna marki Davíðs. Eftir þetta jöfnunarmar datt leikurinn niður og jafnvægi komst aftur á.

Bæði lið áttu efnilegar sóknir en markið sem réði úrslitum kom á 78. mínútu. Guðmundur Steinn var að spila sinn fyrsta leik fyrir Val í Pepsi-deildinni þetta sumarið eftir að hafa byrjað tímabilið á láni hjá HK í 1. deildinni. Skallamark hans réði úrslitum en fjórum mínútum áður hafði hann komið inn sem varamaður.

Valur - Selfoss 2-1

0-1 Davíð Birgisson (46.)

1-1 Ian Jeffs (47.)

2-1 Guðmundur Steinn Hafsteinsson (78.)

Vodafone-völlurinn. Áhorfendur: 1.009

Dómari: Þorvaldur Árnason (7).

Tölfræði leiksins:

Skot (á mark): 14-6 (5-5)

Varin skot: Kjartan 4 – Jóhann 3

Horn: 4-8

Aukaspyrnur fengnar: 11-14.

Rangstöður: 3-1.

Valur 4-3-3

Kjartan Sturluson 6

Greg Ross 4

Reynir Leósson 7

Atli Sveinn Þórarinsson 6

Rúnar Már Sigurjónsson 5

Sigurbjörn Hreiðarsson 7* Maður leiksins

Haukur Páll Sigurðsson 6

Ian Jeffs 7

Baldur Ingimar Aðalsteinsson 5

(74. Guðmundur Steinn Hafsteinsson -)

Arnar Sveinn Geirsson 6

Dannig König 6

(80. Viktor Unnar Illugason -)

Selfoss 4-3-3

Jóhann Ólafur Sigurðsson 5

Sigurður Eyberg Guðlaugsson 5

(90. Einar Ottó Antonsson -)

Agnar Bragi Magnússon 6

Stefán Ragnar Guðlaugsson 6

Andri Freyr Björnsson 5

(90. Viðar Örn Kjartansson -)

Jón Guðbrandsson 7

Arilíus Marteinsson 4

Guðmundur Þórarinsson 5

(46. Ingþór Jóhann Guðmundsson 5)

Ingi Rafn Ingibergsson 5

Jón Daði Böðvarsson 6

Davíð Birgisson 6