Standa í stað milli mánaða

Heildarútlán Íbúðalánasjóðs í janúar námu 2,1 milljarði króna. Þar af voru um 700 milljónir króna vegna almennra lána og um 1,4 milljarðar vegna annarra lána.

Heildarútlán sjóðsins stóðu nánast í stað á milli mánaða. Samsetning þeirra hefur þó breyst því almenn útlán lækkuðu um 50 prósent. Meðalútlán almennra lána var um 7,4 milljónir í janúar. Það er tæplega 16 prósenta lækkun frá fyrra mánuði. Breytilegir vextir á leiguíbúðalánum voru lækkaðir í janúar úr 5,40 í 4,90 prósent og miðast við útreikninga vaxta frá og með 1. janúar 2010.- kóp