Erlent

Obama: Sprengjuefni í pökkunum

Frá blaðamannafundinum í Hvíta húsinu í kvöld.
Frá blaðamannafundinum í Hvíta húsinu í kvöld. Mynd/AP

Barack Obama, forseti Bandaríkjanna, segir að sprengjuefni hafi verið í pökkunum sem sendir voru frá Jemen til Bandaríkjanna. Pakkarnir voru stílaðir á tvö bænahús gyðinga í Chicago. Þetta kom fram í máli forsetans á blaðamannafundi í Hvíta húsinu í kvöld.

Mikill viðbúnaður var á flugvöllum í Bretlandi og Bandaríkjunum í dag eftir tveir pakkar fundust í Bretlandi og Dúbaí. Meðal annars var leitað í flutningaflugvélum á flugvöllum í New Jersey og Pennsylvaníu. Á sama tíma var leitað í bílum flutningafyrirtækja.

Obama sagði að um trúverðulega ógn væri að ræða. Talið er að hryðjuverkasamtökin al Kaída beri ábyrgð á pökkunum.


Tengdar fréttir

Al Kaída að æfa sig?

Mikill viðbúnaður var á flugvöllum í Bretlandi og Bandaríkjunum í dag eftir að tortryggilegar pakkar fundust um borð í flutningaflugvél sem millilenti í Bretlandi á leið til Bandaríkjanna frá Jemen. Ekki var um sprengju að ræða að sögn, bresku lögreglunnar. Í yfirlýsingu frá Hvíta húsinu segir að bandarísk yfirvöld hafi grípið til viðunandi aðgerða og leitað í nokkrum flutningaflugvélum á flugvöllum í New Jersey og Pennsylvaníu. Á sama tíma var leitað í bílum flutningafyrirtækja. Bandarísk stjórnvöld rannsaka nú hvort að hryðjuverkasamtökin al-Kaída í Jemen beri ábyrgð á pökkunum en talið er að um æfingu hafi verið að ræða.

Sprengja í flugvél í Lundúnum

Flugvél frá Yemen var stöðvuð í Lundúnum í dag þegar sprengja fannst um borð. Sprengjan var í fragtrými og hafði verið dulbúin sem blekhylki fyrir prentara. Í kjölfarið hefur verið fyrirskipuð nákvæm leit í flugvélum sem eru í ferðum til og frá Bandaríkjunum. Þessi frétt var að berast og nánari upplýsingar liggja ekki fyrir.

Mest lesið


Fleiri fréttir

Sjá meira


×

Mest lesið