Grindavík semur við McCunnie

Grindvíkingar fengu góðan liðsstyrk í dag þegar skoski varnarmaðurinn Jamie McCunnie skrifaði undir tveggja ára samning við félagið.

McCunnie kemur til Grindavíkur frá Haukum en McCunnie þótti standa sig afar vel í liði Hauka sem féll úr Pepsi-deildinni.

McCunnie er 27 ára gamall og hefur leikið 96 leiki í skosku úrvalsdeildinni með Dumfermline og Dundee utd.

Hann lék einnig með Ross County í 1. deildinni í tvö ár áður en hann fór til Dunfermline. Þaðan fór hann til Hartlepool á Englandi og lék þar í tvö ár. Hann spilaði síðast í Skotlandi með East Fife í 2. deildinni.