Eiður Smári er í viðræðum við Stoke

Stoke City greinir frá því á heimasíðu sinni að nú standi yfir viðræður við Eið Smára Guðjohnsen. Samkomulag hafi náðst við franska liðið Monaco og nú séu í gangi viðræður við leikmanninn sjálfan.

Sky News hefur sýnt myndir frá því þegar Eiður mætti til Englands til viðræðna en í morgun var greint frá því að Fulham væri líklegri áfangastaður fyrir íslenska landsliðsmanninn.

Þær fréttir virðast ekki byggðar á traustum grunni og allt útlit fyrir það að Eiður verði orðinn leikmaður Stoke áður en félagaskiptaglugganum verður lokað.