Umfjöllun: Baráttuglaðir Fylkismenn kláruðu Stjörnuna

Fylkir sigraði Stjörnuna í fyrsta heimaleik þeirra í sumar en leiknum lauk með 3-1 sigri heimamanna. Leikurinn var frábær skemmtun og baráttan allsráðandi í Árbænum. Fylkir reyndust sterkari undir lokin og kláruðu leikinn á síðustu tuttugu mínútunum.

Fylkismenn fengu óskabyrjun í kvöld en Ingimundur Níels Óskarsson framherji heimamanna skoraði eftir aðeins fjórar mínútur. Ásgeir Börkur Ásgeirsson átti þá góða sendingu inn fyrir á Ingimund sem að kláraði færi sitt vel.

Gestirnir í Stjörnunni voru fljótir að svara en aðeins níú mínútum síðar þá jafnaði Halldór Orri Björnsson úr aukaspyrnu. Staðan 1-1 eftir aðeins korter og leikurinn opnaðist mikið.

Bæði lið spiluðu góðan fótbolta og gaman var að sjá stemninguna hjá leikmönnum liðanna. Mörkin urðu ekki fleiri í fyrrihálfleik og staðan 1-1 í hálfleik.

Í síðari hálfleik var Halldór Orri Björnsson nálægt því í tvígang að koma gestunum yfir. Hann átti fyrst aukaspyrnu af vængnum sem að endaði í stönginni og var svo aftur á ferðinni stuttu síðar en þá átti hann gott skot fyrir utan teig sem að endaði í þverslánni. Heimamenn stálheppnir.

Heimamenn tóku forystuna á 70. mínútu leiksins en þá skoraði Albert Brynjar Ingason úr stuttu færi eftir sendingu frá Andrési Má Jóhannssyni. Varamaðurinn Jóhann Þórhallsson gulltryggði svo stigin þrjú með marki er um tvær mínútur voru eftir. Bjarni Þórður Halldórsson átti þá slaka markspyrnu sem endaði í fótunum á Jóhanni. Hann var fljótur að hugsa, slapp einn í gegn og þakkaði fyrir sig með marki. Baráttusigur hjá Fylki sem eru með fullt hús stiga eftir fyrstu tvær umferðirnar.

Fylkir - Stjarnan 3-1 (1-1)

(Ingimundur Níels Óskarsson 4.)

(Halldór Orri Björnsson 13.)

(Albert Brynjar Ingason 70.)

(Jóhann Þórhallsson 87.)

Áhorfendur: 1.506

Dómari: Einar Örn Daníelsson 7

Skot (á mark): 13-8 (7-7)


Varin skot: Fjalar 4 - Bjarni 3


Horn: 8-4


Aukaspyrnur fengnar: 15-21


Rangstöður: 9-4

Fylkir 4-3-3

Fjalar Þorgeirsson 6

Kristján Valdimarsson 6

Valur Fannar Gíslason 6

Einar Pétursson 7

(Þórir Hannesson 55.) 5

Tómas Þorsteinsson 6

Ásgeir Börkur Ásgeirsson 8 - Maður leiksins

Ólafur Ingi Stígsson 6

(Jóhann Þórhallsson 74.) 7

Andrés Már Jóhannesson 6

Kjartan Ágúst Breiðdal 7

(Pape Mamadou Faye 61.) 5

Ingimundur Níels Óskarsson 7

Albert Brynjar Ingason 7

Stjarnan 4-5-1

Bjarni Þórður Halldórsson 4

Baldvin Sturluson 6

Daníel Laxdal 7

Tryggvi Sveinn Bjarnason 6

( Bjarki Páll Eysteinsson 62.) 5

Atli Jóhannsson 6

Jóhann Laxdal 7

Halldór Orri Björnsson 7

Dennis Danry 6

Steinþór Freyr Þorsteinsson 7

Hafsteinn Rúnar Helgason 6

Marel Jóhann Baldvinsson 5

(Þorvaldur Árnason 70.) 5