Bjarni Hólm: Algjör aumingjaskapur

Bjarni Hólm Aðalsteinsson, varnarmaður Keflavíkur, var ekki beint kátur eftir 2-0 tap Keflavíkur gegn Haukum í dag.

"Þetta var hrikalegur leikur hjá okkur í alla skapi. Algjör aumingjaskapur hjá okkur því við nenntum ekki að hlaupa né berjast. Þar af leiðandi áttum við ekkert meira skilið út úr þessum leik," sagði heiðarlegur Bjarni Hólm og hafði lög að mæla.

"Ég veit ekki hvað var að því við mættum vel gíraðir á staðinn og fyrstu fimm mínúturnar voru fínar. Svo var þetta bara búið. Ég veit ekki hvort menn hafa ekki lengur trú á þessu eða hvað þeir eru að hugsa. Maður veit að lið eins og Haukar mun berjast og ef maður gerir ekki slíkt hið sama á maður ekki von á góðu."