Stjórn Krossins fundar

Stjórnarmenn Krossins hittust klukkan þrjú í dag og fóru yfir ásakanir á hendur Gunnari Þorsteinssyni, forstöðumanni trúfélagsins.

Nils Guðjón Guðjónsson, yfirdjákni Krossins, segist hafa verið í útlöndum þegar ásakanirnar komu upp á yfirborðið og hann hafi því ekki náð að kynna sér efni þeirra fyrr en í dag.

Áður en fundurinn hófst sagði hann í viðtali við fréttastofu að hann vildi kynna sér báðar hliðar málsins áður en hann tjáir sig opinberlega um málið eða hafi af því afskipti.