Naktar breskar fyllibyttur slá í gegn á YouTube

Fjórir breskir ferðamenn voru handteknir á dögunum í Lettlandi en til þeirra sást þar sem þeir sátu naktir á tréstyttu af forláta hesti í almenningsgarði í höfuðborg landsins. Til að bæta gráu ofan á svart var skítkalt í Ríga þennan dag, eða um fimmtán stiga frost.

Lögreglumennirnir sem komu á vettvang sögðu mennina hafa verið afar ölvaða, sem kemur ekki á óvart. Mennirnir sem eru um þrítugt, voru allir sektaðir og ákærðir fyrir óspektir. Uppátæki bretanna fer nú eins og eldur um sinu á YouTube eins og sjá má með því að ýta á hnappinn með fréttinni.