Umfjöllun: Karaktersigur Eyjamanna gegn Fylki

ÍBV sigraði Fylki, 2-1, í Árbænum í kvöld og óhætt er að segja að sigurinn hafi verið sanngjarn. Þrátt fyrir að leika manni færri megnið af leiknum voru það Eyjamenn sem réðu ferðinni og máttlítil mótspyrna Fylkismanna gerði það að verkum að ekki mátti á milli sjá hvort liðið væri með 10 menn inn á vellinum.

Eyjamenn halda því efsta sætinu um sinn og titilbaráttu framundan hjá þeim á meðan fallbaráttu basl blasir við Fylkismönnum.

Jafnræði var með liðunum framan af og lítið markvert gerðist þar til á 29. mínútu. Þá var Alberti Sævarssyni markverði ÍBV vikið af velli fyrir að brjóta á Jóhanni Þórhallssyni sem sloppinn var einn inn fyrir vörn Eyjamanna. Rautt spjald og víti óumflýjanlegt í þessari stöðu. 

Jóhann tók vítið sjálfur og skoraði af öryggi fram hjá Elíasi Fannari Stefnissyni sem kominn var í markið. Merkilegt nokk þá var eins og þessar hremmingar hafi þjappað þeim hvitklæddu saman.

ÍBV stjórnaði leiknum það sem eftir var fyrri hálfleiks og það kom því engum á óvart þegar Þórarinn Ingi Valdimarsson jafnaði metinn rétt fyrir leikhlé. Þórarinn skoraði af stuttu færi af fjærstöng eftir glæsilega fyrirgjöf utan af vinstri kant frá James Hurst. Staðan 1-1 í hálfleik.

Seinni hálfleikur var tíðindalítill framan af en þó voru Eyjamenn ívið hættulegri. Þegar um það bil korter lifði leiks kom loks sigurmarkið.

James Hurst fékk boltann út við vinstri kant þar sem hann rakti boltann inn á völlin, hlóð í skotið og knötturinn söng í netinu. Það sem eftir lifði leiks einbeittu Eyjamenn sér að því að verja forskotið á meðan Fylkismenn færðu sig aðeins framar á völlinn.

Þrátt fyrir að vera manni fleiri og marki undir voru sóknaraðgerðir Fylkismanna lélegar og ómarkvissar og skapaðirst því lítil hætta upp við mark ÍBV. Leikurinn fjaraði því hægt og rólega út og sigur Eyjamanna því aldrei í teljandi hættu. 

Fylkir – ÍBV  1-2

1-0 Jóhann Þórhallsson (32.)

1-1 Þórarinn Ingi Valdimarsson (45.)

1-2 James Hurst (76.)

Áhorfendur: 1767

Dómari : Einar Örn Daníelsson 8

Skot(á mark): 12-13 (4-4)

Horn: -4-5

Aukaspyrnur fengnar: 12-17

Rangstöður: 1-2

Varin skot: Fjalar 2 - Albert: 1 Elías: 2

Fylkir(4-5-1)

Fjalar Þorgeirsson 5

Kristján Valdimarsson 5

Valur Fannar Gíslason 5

Þórir Hannesson 6

Kjartan Ágúst Breiðdal 6

Ásgeir Örn Arnþórsson 5

(66., Pape Faye 4)

Ásgeir Börkur Ásgeirsson 4

Ólafur Ingi Stígsson 4

(46., Davíð Ásbjörnsson 5)

Andrés Már Jóhannesson 4

(82., Albert Brynjar Ingason -)

Ingimundur Níels Óskarsson 4

Jóhann Þórhallsson 6

ÍBV(4-3-3)

Albert Sævarsson 4

Matt Nicholas Garner 6

Eiður Aron Sigurbjörnsson 5

Rasmus Christiansen 6

James Hurst 8* maður leiksins

Þórarinn Ingi Valdimarsson 7

(76., Eyþór Helgi Birgisson - )

Andri Ólafsson 7

Finnur Ólafsson 6

Tony Maweje 5

Tryggvi Guðmundsson 7

(89., Gauti Þorvarðarsson -)

Denis Sytnik 5

(30., Elías Fannar Stefnisson 6)

Leiknum var lýst beint á Boltavakt Vísis og Fréttablaðsins. Til þess að sjá lýsinguna þarf að smella hér: Fylkir - ÍBV