Innlent

Jón Ásgeir biðlar til Steingríms

Mynd/Arnþór Birkisson
Jón Ásgeir Jóhannesson biður Steingrím J. Sigfússon, fjármálaráðherra, að gæta orða sinna þegar alvarlegar ávirðingar eru bornar á almenning í landinu. Öll mál eiga sér fleiri en eina hlið. Þetta kemur fram í bréfi sem Jón Ásgeir sendi fjármálaráðherra í dag og er birt á Pressunni.

Fyrr í vikunni sagði Steingrímur að mál sexmenninganna, þar á meðal Jóns Ásgeirs, sem skilanefnd Glitnis stefndi hlyti að verða rannsakað sem sakamál og að mikilvægt væri að sérstakur saksóknari fengi strax öll gögn.

„Sú hlið sem kemur fram í stefnu eins aðila er bara ein hlið. Ráðherra hefur engar forsendur til að meta gildi hennar frekar en hver annar - enda er það ekki hans hlutverk," segir Jón Ásgeir í bréfinu og bætir við að ábyrgð ráðherra sé mikil.

„Ég bið þig þess vegna allra vinsamlegast að leyfa þeim yfirvöldum, sem við höfum komið okkur saman um að til þess séu bær, að fjalla um hugsanleg dómsmál sem að mér snúa áður en þú kynnir þína einkaniðurstöðu fyrir þjóðinni. Ég þykist vita, að þinn dómur, sem verður til fyrir framan myndavélar sjónvarpsstöðvanna á örfáum augnablikum, hefur meiri áhrif en velviljaður stjórnmálamaður raunverulega vill," segir Jón Ásgeir í bréfinu sem hægt er að lesa hér.


Tengdar fréttir

Sakaðir um að hafa misnotað stöðu sína sem hluthafar

Jón Ásgeir Jóhannesson og Pálmi Haraldsson misnotuðu aðstöðu sína sem einir af stærstu hluthöfum Glitnis til að hagnast persónulega um tvo milljarða króna. Lárus Welding forstjóri bankans framkvæmdi skipanir þeirra félaga. Þetta kemur fram í stefnu skilanefndar Glitnis á hendur þremenningunum og þremur starfsmönnum Glitnis. Skilanefndin krefst sex milljarða í skaðabætur.

Jón Ásgeir vill frávísun í Glitnismálinu

Jón Ásgeir Jóhannesson segist á engan hátt hafa misnotað aðstöðu sína í bankanum. Hann hyggst fara fram á frávísun á stefnu skilanefndar Glitnis á hendur sér.

Skilanefnd Glitnis stefnir eigendum og stjórnendum bankans

Skilanefnd Glitnis og slitastjórn hafa stefnt Jóni Ásgeiri Jóhannessyni og Pálma Haraldssyni sem voru helstu eigendur bankans, Lárusi Welding fyrrverandi bankastjóra og þremur öðrum lykilstarfsmönnum. Þess er krafist að þeir greiði þrotabúi Glitnis tæplega sex milljarða í bætur. Frá þessu er greint í DV í dag. Þar er haft eftir Árna Tómassyni, formanni skilanefndar Glitnis, að málið sé á lokastigi að hálfu skilanefndarinnar.

Pálmi segir stefnu gegn sér vera tóma þvælu

Pálmi Haraldsson, fyrrum eigandi Fons, sagði í samtali við fréttastofu Stöðvar 2 og Vísis í dag að það sem kæmi fram í stefnu skilanefndar Glitnis gegn sér væri tóm þvæla.

Yfirmenn hjá Íslandsbanka sendir í leyfi vegna málsóknar

Þrír starfsmenn Íslandsbanka hafa verið sendir í leyfi eftir að hafa verið stefnt af skilanefnd Glitnis vegna sex milljarða króna lánveitingar til félags í eigu Jóns Ásgeirs Jóhannessonar og Pálma Haraldssonar, sem voru meðal stærstu hluthafa bankans. Þeim hefur einnig verið stefnt auk Lárusar Welding, fyrrverandi forstjóra Glitnis.

Forsætisráðherra agndofa yfir póstum til Lárusar

Jóhanna Sigurðardóttir, forsætisráðherra og Steingrímur J. Sigfússon, fjármálaráðherra, furðuðu sig á því í morgun að mál tengt tölvupóstssendingum milli Lárusar Welding og stórra hluthafa Glitnis hafi ekki verið sent til embættis sérstaks saksóknara. Forsætisráðherra segist agndofa yfir tölvupóstunum.

Glitnir tilkynnir um málið gegn Jóni og Pálma til sérstaks saksóknara

Slitastjórn og skilanefnd Glitnis hafa útbúið tilkynningu til sérstaks saksóknara vegna málsins gegn Lárusi Welding, Jóni Ásgeiri Jóhannessyni og Pálma Haraldssyni sem fjallað hefur verið um í fjölmiðlum í vikunni. Þetta kemur fram í tilkynningu frá Glitni.

Segir Jón Ásgeir hafa verið einhverskonar yfirbankastjóra Glitnis

„Svo kemur það fram í einum póstinum að hann hóti að verða stjórnarformaður fái hann ekki lánið og verði þar af leiðandi einhversskonar yfirbankastjóri,“ sagði lektorinn Vilhjálmur Bjarnason og hluthafi Glitnis í viðtali við Morgunútvarpið á Rás 2 í morgun.

Pálmi Haraldsson: Beitti ekki blekkingum til þess að fá milljarð

Pálmi Haraldsson, sem hefur verið stefnt af Glitni ásamt Jóni Ásgeiri Jóhannessyni og Lárusi Welding, fyrrverandi forstjóra Gltinis, segist ekki hafa beitt blekkingum til þess að fá milljarð lánaðan. Þetta kemur fram í tilkynningu sem hann sendi frá sér en þar segir orðrétt:

Stefnir skilanefnd fyrir ærumeiðingar

Jón Ásgeir Jóhannesson, einn þeirra sem skilanefnd Glitnis hefur stefnt til greiðslu sex milljarða króna skaðabóta, ætlar að stefna skilanefndinni fyrir ærumeiðandi aðdróttanir sem fram koma í stefnu hennar og fyrir að hafa vísvitandi breytt tölvugögnum.

Mest lesið


Fleiri fréttir

Sjá meira


×

Mest lesið