Giggs missir af næstu leikjum

Ryan Giggs verður frá í dágóðan tíma eftir að hann meiddist í leik Manchester United og West Brom um helgina.

Giggs þurfti að fara af velli undir lok fyrri hálfleiks en þá var staðan 2-0 fyrir United. West Brom skoraði svo tvívegis í upphafi síðari hálfleiks og þar við sat.

„Það hafði mikið að segja að missa Ryan," sagði Ferguson. „Hann er aftur meiddur á læri. Hann varð fyrir sömu meiðslum gegn Bolton en var búinn að æfa alla vikunna og gekk vel. Kannski þarf hann að fá lengri tíma til endurhæfingar nú."