Beckham verður áfram í Finnlandi

Dr. Sakari Orava, maðurinn sem framkvæmdi aðgerðina á David Beckham í gær, segir að Beckham ætli að vera sólarhring til viðbótar í Finnlandi. Aðgerðin þótti heppnast vel.

Fjölmiðlafárið hefur aldrei verið meira í Turku á vesturströnd landsins síðan Beckham mætti þangað til að fara í aðgerð vegna meiðsla sinna.

Orava segir að Beckham sé í besta skapi miðað við allt og finni ekki fyrir sársauka. Hann staðfestir það þó að hann muni klárlega missa af heimsmeistaramótinu í sumar.

„Hann bað um að fá að vera aðra nótt ef möguleiki væri hendi. Við munum því skoða sárið í fyrramálið," sagði Orava sem áður hefur meðhöndlað meiðsli hjá íþróttastjörnum á borð við Haile Gebrselassie, Josep Guardiola og Merlene Ottey.