Færeyskur landsliðsmaður til Vals

Jónas Þór Næs, landsliðsmaður frá Færeyjum, hefur gengið til liðs við Val og er annar Færeyingurinn sem kemur til liðsins. Sá þriðji er á reynslu hjá félaginu.

Jónas er reyndar hálfur Íslendingur þar sem hann á íslenska móður. Hann er fæddur og uppalinn í Færeyjum og á að baki átján leiki með A-landsliðið Færeyja. Þetta kemur fram á heimasíðu Vals í dag.

Jónas lék síðast með B36 í Þórshöfn en þar áður með BK Frem í Danmörku en þar hefur hann leikið með alls þremur félögum. Hann spilar sem hægri bakvörður og gerir nú tveggja ára samning við Val.

Kristján Guðmundsson, nýráðinn þjálfari Valsmenn, starfaði í sumar sem þjálfari HB í Þórshöfn.