Redknapp: Tottenham óttast ekkert

Harry Redknapp, stjóri Tottenham, segir sína menn ekki óttast neitt fyrir baráttuna í Meistaradeild Evrópu.

Hann hefur trú á að sitt lið eigi möguleika á að komast áfram úr riðli sínum sem inniheldur Evrópumeistara Inter, þýska liðið Werder Bremen og FC Twente frá Hollandi.

„Við mætum hverju liði af virðingu, ekkert lið kemst í þessa keppni nema það sé gott. Á góðum degi getum við unnið alla," segir Redknapp. „Það verður frábært fyrir félagið að taka þátt í þessari keppni. Allir hér eru fullir tilhlökkunar. Það hafa ekki orðið miklar breytingar á leikmannahópnum enda óþarfi."