Reading gerði jafntefli við Middlesbrough

Íslendingaliðið Reading gerði 1-1 jafntefli á útivelli gegn Middlesbrough í ensku 1. deildinni í dag. Gylfi Þór Sigurðsson og Ívar Ingimarsson léku allan leikinn fyrir Reading.

Brynjar Björn Gunnarsson var ónotaður varamaður en Gunnar Heiðar Þorvaldsson var utan hóps. Bæði mörkin í leiknum komu í seinni hálfleik.

Plymouth tapaði 2-1 fyrir Scunthorpe þar sem Kári Árnason lék allan leikinn fyrir Plymouth. Plymouth er næst neðst í deildinni og á erfiða lokabaráttu fyrir höndum.

Emil Hallfreðsson var í byrjunarliði Barnsley sem tapaði 1-0 fyrir Ipswich. Barnsley er í tólfta sæti deildarinnar.

Úrslitin í ensku 1. deildinni:

Blackpool 2 - 2 Crystal Palace

Doncaster R. 1 - 1 Sheffield U.

Ipswich T. 1 - 0 Barnsley

Middlesbrough 1 - 1 Reading

Nottingham F. 1 - 0 Peterborough U.

Queens Park R. 1 - 1 Swansea C.

Scunthorpe U. 2 - 1 Plymouth Argyle

Sheffield W. 0 - 0 Derby County

West Bromwich A. 3 - 2 Preston North End

Bristol C. 1 - 0 Newcastle U.