Innlent

Svikin jafngilda tveggja mánaða afgangi af vöruskiptum Íslands

Frá blaðamannafundi Seðlabankans, efnahagsbrotadeildar Ríkislögreglustjóra og FME í gær.
Frá blaðamannafundi Seðlabankans, efnahagsbrotadeildar Ríkislögreglustjóra og FME í gær. Mynd/Pjetur
Upphæð meintra gjaldeyrissvika mannanna fjögurra sem handteknir voru í gær jafngildir tveggja mánaða afgangi af vöruskiptum Íslands við útlönd. Viðskipti af þessu tagi ganga þvert á efnahagsáætlun stjórnvalda.

Fjórir menn voru handteknir og yfirheyrðir í gær vegna gruns um stórfelld brot á gjaldeyrislögum, en þeir eru taldir vera raunverulegir stjórnendur sænsks félags sem stundað hefur brask með gjaldeyri í nokkurn tíma. En hvernig fór þetta fram?

Við skulum taka dæmi: Mennirnir sýndu fram á að þeir hygðust kaupa fasteign t.d í Bretlandi og fengu þar með að kaupa erlendan gjaldeyri, pund í þessu tilfelli, hjá íslenskum banka. Fasteignaviðskiptin voru hins vegar bara málamyndagjörningur í þeim skilningi að fasteignin er keypt og seld sama dag eða skjölin fölsuð og pundin því enn í þeirra höndum. Sænskt félag sér síðan um að skipta pundunum í krónur í útlöndum - þar sem mun fleiri krónur fást fyrir hvert pund heldur en þurfti að greiða fyrir pundin á Íslandi. Krónurnar eru að lokum fluttar til Íslands - og ágóðinn er mismunurinn á erlenda genginu og heimagenginu sem getur verið á bilinu 15-40%.

Á tímabilinu sem er til rannsóknar, sem nær frá nóvember 2008 til október 2009, urðu viðskipti þeirra til þess að allt að þrettán milljarðar króna í formi gjaldeyris glötuðust af gjaldeyrismarkaðnum hér á landi, á tímum þegar þjóðarbúið er í mikilli þörf fyrir gjaldeyri. Upphæðin jafngildir tveggja mánaða afgangi af vöruskiptum Íslands við útlönd.

Viðskipti af þessari stærðargráðu veikja krónuna og ganga þvert á efnahagsáætlun íslenskra stjórnvalda og alþjóðagjaldeyrissjóðsins.


Tengdar fréttir

Grunur um 13 milljarða gjaldeyrissvik - fjórir í haldi

Efnahagsbrotadeild Ríkislögreglustjóra framkvæmdi húsleitir í dag í máli sem tengjast grun um brot á skilaskyldu gjaldeyris. Fjármálaeftirlitið kærði málið til lögreglu og tóku 30 starfsmenn þátt í húsleitunum. Fyrirtækið sem um ræðir er skráð í Svíþjóð og heitir Aserta. Þetta kom fram á blaðamannafundi sem haldinn var í dag hjá Ríkislögreglustjóra.

Karl Löve fjórði maðurinn sem var handtekinn vegna gjaldeyrisbrasks

Fjórði maðurinn hefur verið handtekinn vegna gruns um brot gegn gjaldeyrishaftalögum Seðlabanka Íslands en hann heitir Karl Löve Jóhannsson. Þegar hafa Gísli Reynisson, Ólafur Sigmundsson og Markús Máni Michaelsson verið handteknir vegna málsins.

Markús Máni Michaelsson á meðal þeirra grunuðu

Mennirnir sem grunaðir eru um stórfellt gjaldeyrisbrask í gegnum félagið Aserta í Svíþjóð eru allir fyrrverandi starfsmenn Straums fjárfestingabanka og hafa allir búið í Bretlandi um skeið. Á blaðamannafundi sem nú stendur yfir kom fram að fjórir hefðu verið handteknir vegna málsins.

Straumur sver af sér gjaldeyrisbraskarana

Straumur Burðarás Fjárfestingabanki hf. hefur sent frá sér tilkynningu vegna frétta af meintum brotum fyrrverandi Straums á reglum um gjaldeyrismál.

Yfirheyrslum lauk upp úr miðnætti

Fyrstu yfirheyrslum yfir fjórum fyrrverandi starfsmönnum Straums sem grunaðir eru um umsvifamikil brot á gjaldeyrislögum lauk upp úr miðnætti í gær. Mennirnir voru handteknir í gærdag en þeir eru taldir hafa skipt gjaldeyri að verðmæti 13 milljarða króna á aflandsmarkaði í íslenskar krónur og flutt peninginn síðan heim og þar með farið framhjá gjaldeyrishöftunum. Þetta eru þeir taldir hafa gert í gegnum félag í Svíþjóð. Rannsókn málsins beinist að tímabilinu nóvember 2008 til október 2009.

Náið samstarf um rannsóknir á gjaldeyrisviðskiptabrotum

Efnahagsbrotadeild Ríkislögreglustjóra, Seðlabankinn og Fjármálaeftirlitið hafa átt í viðamiklu samstarfi í tengslum við rannsóknir á brotum á gjaldeyrishöftum og lögum um gjaldeyrisviðskipti. Fjórir fyrrverandi starfsmenn Straums eru í haldi lögreglu vegna málsins.

Mest lesið


Fleiri fréttir

Sjá meira


×

Mest lesið