Innlent

Yfirheyrslum lauk upp úr miðnætti

Ingibjörg Guðbjartsdóttir, frá Seðlabankanum, Helgi Magnús Gunnarsson, saksóknari efnahagsbrotadeildar Ríkislögreglustjóra, og Gunnar Þ. Andersen, forstjóri FME, greindu frá rannsókninni í gær. Um þrjátíu manns tóku þátt í aðgerðunum sem hófust í gærmorgun.
Ingibjörg Guðbjartsdóttir, frá Seðlabankanum, Helgi Magnús Gunnarsson, saksóknari efnahagsbrotadeildar Ríkislögreglustjóra, og Gunnar Þ. Andersen, forstjóri FME, greindu frá rannsókninni í gær. Um þrjátíu manns tóku þátt í aðgerðunum sem hófust í gærmorgun.
Yfirheyrslum yfir mönnunum fjórum sem grunaðir eru um milljarða gjaldeyrissvik lauk um miðnætti í gær og eru þeir lausir úr haldi. Frekari yfirheyrslur fara væntanlega fram síðar. Mennirnir eru grunaðir um að hafa víxlað þrettán milljörðum króna framhjá gjaldeyrishöftunum, og hagnast gríðarlega. Efnahagsbrotadeild hefur kyrrsett hundruði milljóna króna í tengslum við málið.

Fyrstu yfirheyrslum yfir fjórum fyrrverandi starfsmönnum Straums sem grunaðir eru um umsvifamikil brot á gjaldeyrislögum lauk upp úr miðnætti í gær. Yfirheyrslur halda væntanlega áfram síðar.

Mennirnir voru handteknir í gærdag en þeir eru taldir hafa skipt gjaldeyri að verðmæti 13 milljarða króna á aflandsmarkaði í íslenskar krónur og flutt peninginn síðan heim og þar með farið framhjá gjaldeyrishöftunum. Þetta eru þeir taldir hafa gert í gegnum félag í Svíþjóð. Rannsókn málsins beinist að tímabilinu nóvember 2008 til október 2009.

Efnahagsbrotadeild ríkislögreglustjóra leitaði á heimilum mannanna í gær, í bílum og á skrifstofuhúsnæði. Auk þess hafa eignir mannanna upp á hundruði milljóna króna, á Íslandi og erlendis, verið kyrrsettar. Mennirnir fjórir hafa allir nýlega flutt lögheimili sitt til Bretlands. Straumur sendi frá sér tilkynningu vegna málsins í gær þar sem bankinn áréttaði að ekkert benti til að meint brot hafi átt sér stað meðan mennirnir gegndu störfum hjá Straumi.

Efnahagsbrotadeild hóf formlega rannsókn á málinu eftir kæru Fjármálaeftirlitsins í nóvember 2009. Málið er eitt af 26 sem tilkynnt hafa verið til FME en af þeim hafa sjö verið kærð til lögreglunnar. Seðlabankinn, Fjármálaeftirlitið og Efnahagsbrotadeild ríkislögreglustjóra eiga í nánu og viðamiklu samstarfi við rannsóknir á brotum á gjaldeyrishöftum og munu ellefu nýjar tilkynningar um slík mál vera væntanlegar frá Seðlabankanum til FME á næstu dögum.


Tengdar fréttir

Grunur um 13 milljarða gjaldeyrissvik - fjórir í haldi

Efnahagsbrotadeild Ríkislögreglustjóra framkvæmdi húsleitir í dag í máli sem tengjast grun um brot á skilaskyldu gjaldeyris. Fjármálaeftirlitið kærði málið til lögreglu og tóku 30 starfsmenn þátt í húsleitunum. Fyrirtækið sem um ræðir er skráð í Svíþjóð og heitir Aserta. Þetta kom fram á blaðamannafundi sem haldinn var í dag hjá Ríkislögreglustjóra.

Karl Löve fjórði maðurinn sem var handtekinn vegna gjaldeyrisbrasks

Fjórði maðurinn hefur verið handtekinn vegna gruns um brot gegn gjaldeyrishaftalögum Seðlabanka Íslands en hann heitir Karl Löve Jóhannsson. Þegar hafa Gísli Reynisson, Ólafur Sigmundsson og Markús Máni Michaelsson verið handteknir vegna málsins.

Markús Máni Michaelsson á meðal þeirra grunuðu

Mennirnir sem grunaðir eru um stórfellt gjaldeyrisbrask í gegnum félagið Aserta í Svíþjóð eru allir fyrrverandi starfsmenn Straums fjárfestingabanka og hafa allir búið í Bretlandi um skeið. Á blaðamannafundi sem nú stendur yfir kom fram að fjórir hefðu verið handteknir vegna málsins.

Straumur sver af sér gjaldeyrisbraskarana

Straumur Burðarás Fjárfestingabanki hf. hefur sent frá sér tilkynningu vegna frétta af meintum brotum fyrrverandi Straums á reglum um gjaldeyrismál.

Náið samstarf um rannsóknir á gjaldeyrisviðskiptabrotum

Efnahagsbrotadeild Ríkislögreglustjóra, Seðlabankinn og Fjármálaeftirlitið hafa átt í viðamiklu samstarfi í tengslum við rannsóknir á brotum á gjaldeyrishöftum og lögum um gjaldeyrisviðskipti. Fjórir fyrrverandi starfsmenn Straums eru í haldi lögreglu vegna málsins.

Mest lesið


Fleiri fréttir

Sjá meira


×

Mest lesið